Сустрэкаем астранамічную вясну

20 сакавіка — дзень вясновага раўнадзенства, пасля якога працягласць дня будзе паступова станавіцца даўжэйшай за ноч.

У дзень раўнадзенства Сонца перасякае нябесны экватар і ўраўноўвае дзень і ноч. Гэта азначае пачатак астранамічнай вясны ў Паўночным паўшар’і. Адпаведна, у Паўднёвым паўшар’і пачынаецца астранамічная восень.

У літаральным перакладзе з лацінскай «раўнадзенства» азначае «роўная ноч». З даўніх часоў гэты дзень меў асаблівае значэнне для людзей і сімвалізаваў перамогу святла і жыцця над цемрай і холадам. Што ж, чакаем цяпла і сонца.

Што ж, чакаем цяпла і сонца.